logo
logo
logo

Почна разговорот на Трамп со Путин

Vecer | 18.03.2025

Почна разговорот на Трамп со Путин

Белата куќа соопшти дека повикот е во тек од 15 часот и добро напредува, пренесува Sky news.

„Повикот се одвива добро и сѐ уште трае“, напиша Ден Скавино, заменик-шефот на кабинетот на Белата куќа, во објава на платформата X.

Да потсетиме дека Кремљ претходно објави дека разговорот на претседателот треба да трае од 16 до 18 часот по московско време.

Портпаролот на Кремљ, Дмитриј Песков, утринава нагласи дека Путин и Трамп ќе разговараат онолку колку што сметаат дека е потребно, а разговорите ќе се однесуваат на нормализацијата на руско-американските односи, како и за украинското прашање.

Трамп претходно денеска потврди дека ќе разговара со Путин за војната во Украина и истакна дека многу елементи од конечниот мировен договор се веќе договорени, но дека треба да се направи многу повеќе.

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk