Цветањето на микроалгите предизвикано од невообичаени временски услови е најверојатна причина за труењето на луѓе и морски животни, создавајќи пена што покрива стотици метри крајбрежје, изјави Сем Гејлард, научник од Агенцијата за животна средина на Јужна Австралија.
Затворени за јавноста
„Тоа е многу загрижувачко. Во овој период од годината, кога дозволуваат временските услови, повремено се појавуваат изолирани цутења, но нешто како ова е секако невообичаено“, рече Гајард.
Плажите Вејтпинг и Парсонс, кои се наоѓаат јужно од главниот град на Јужна Австралија, Аделаида, од вчера се затворени за јавноста, соопшти Одделот за животна средина и вода.
Наводно, стотици мртви риби исфрлени на брегот.
Се пожалија и сурферите
„Сурферите се жалат на болки во очите и црвенило од викендот, болки во грлото и кашлање по контакт со вода“, рече сурферот Ентони Роуланд, кој во саботата престојувал на плажата Вејтпинг.
„Морските биолози земаа примероци од пената во понеделникот, која е нуспроизвод од распаѓањето на токсични организми, и најверојатно ќе можат да ја идентификуваат до крајот на неделата“, рече Гајард.
Тој додаде дека од неделата во областа се зголемуваат брановите, што може да создаде уште поголема пена.
© Vecer.mk, правата за текстот се на редакцијата
