Тешкото невреме ги принуди властите да евакуираат повеќе од 350 домови, да затворат патишта и да ја откажат наставата, соопштија властите.
Најкритична е ситуацијата во селото Кампаниљас во близина на Малага, каде што реката се излеа од коритото, предизвикувајќи 365 домови да се евакуираат, пренесе АП.
Flooding near Malaga Spain. pic.twitter.com/uUVq6jaCV3
— Carlow Weather (@CarlowWeather) March 18, 2025
Според министерот за внатрешни работи на Андалузија, Антонио Санц, 19 реки во покраината се под црвен метеоролошки аларм, а бурата се проширила од брегот на Малага во внатрешноста, вклучувајќи ги Севиља и Кордоба. Поради зголемување на нивото на водата затворени се 40 патишта и некои железнички линии.
Областа веќе беше погодена од поплави во ноември, кога 233 лица загинаа во источна Шпанија, особено во Валенсија.
🌧️ La Guardia Civil rescata a un hombre y dos perros tras las inundaciones en Cártama (Málaga) provocadas por el paso de la borrasca Laurence
— EL ESPAÑOL (@elespanolcom) March 18, 2025
👉 Algunos vecinos de estas zonas han tenido que ser evacuados de sus viviendas, donde estaban incomunicados pic.twitter.com/TfBLgLbWae
По сушата, јужниот дел на земјата беше погоден од обилни врнежи во последните две недели, што предизвика излевање на реките. Научниците и официјалните лица предупредуваат дека екстремните поместувања во сушните и дождливите периоди се резултат на климатските промени, кои исто така доведоа до сè пожешки лета во Шпанија.
© Vecer.mk, правата за текстот се на редакцијата
