logo
logo
logo

Премиерот на Канада во посета на Париз и Лондон

Vecer | 17.03.2025

Премиерот на Канада во посета на Париз и Лондон

- Посетата има за цел да ги зајакне нашите трговски и воени врски со двајцата наши најстабилни и доверливи партнери, наведе Карни.

Канада, со население од 41 милион жители, доживува криза без преседан во својата историја. Американскиот претседател Доналд Трамп почна трговска војна со Отава и најавите дека сака Канада да стане „51-та американска држава“.

Карни, кој на 14 март ја презеде премиерската функција, прво ќе се сретне со францускиот претседател Емануел Макрон, а потоа со британскиот премиер Кир Стармер и кралот Чарлс Трети.

- Карни и Макрон ќе разговараат и за руската воена агресија против Украина и клучните проекти во рамките на стратешкото партнерство меѓу двете земји, соопшти Елисејската палата.

Додека Карни со Стармер ќе разговара за „зајакнување на трансатлантската безбедност, развој на секторот за вештачка интелигенција и стабилни трговски односи“.

Велика Британија е трет по големина трговски партнер на Канада со билатерална размена проценета на 61 милијарда канадски долари (40 милијарди евра). 

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk