Во пожарот кој избувна ноќта меѓу саботата и неделата во дискотеката Пулс во Кочани, најмалку 59 лица го загубија животот. Најмладата жртва имала само 14 години. Меѓу повредените има 150 лица, а 12 пациенти со авион на војската на Србија во текот на вчерашниот ден беа пренесени на понатамошно лекување во Белград, од кои некои се во Ургентниот центар во Белград.

„Девет пациенти се примени на Ургентниот центар, а тројца се на ВМА. Дијагностичките процедури беа започнати и завршени за пациентите веднаш по приемот. Станува збор за повреди од изгореници кои зафатиле помеѓу 2 и 28 проценти од површината на телото. Сите пациенти покажуваат симптоми и знаци на оштетување или контакт со токсични гасови произведени за време на пожарот, но некои имаат и изгореници на горните дишни органи и тие се класифицирани како сериозни повреди опасни по живот“, изјавија од Ургентниот центар во Белград.

„Засега немам дополнителни информации дали ќе дојдат уште пациенти, но ние сме подготвени за тоа. Тешко е да се зборува за прогнози за изгореници, но тоа ќе стане јасно во наредните денови.

Нашите пациенти се млади, на возраст од 18 до 35 години, тие се рехабилитирани и нивниот третман продолжува бидејќи тоа е долготраен процес кој бара недели лекување. Еден пациент е на механичка вентилација и е најтешко повреден“, изјавија за медиумите од Ургентниот центар во Белград.

СЕ ОГЛАСИ УЦ ОД БЕЛГРАД: Повредите им се тешки, изгорениците зафатиле 28 % од кожата