Рецепт за тортиљи од карфиол и спанаќ

Време на подготовка: 40 минути

Потребни состојки:&nbsp;

- 1 среден карфиол (може и брокула) 

- 1 китка спанаќ или блитва 

За фил:&nbsp;зелена салата или валеријана, тркалца од краставица,&nbsp;тркалца&nbsp;од црвена пиперка, малку пилешки гради

Начин на приготвување:&nbsp;Карфиолот или брокулата поделете ги на цветчиња, па исечкајте ги на помали парчиња. Спанаќот исечкајте го на ситни парчиња и измешајте го со карфиолот/брокулата. Сè зачинете со сол и бибер по вкус, а јајцето лесно изматете го со виљушка и соединете го со зеленчукот. Обложете соодветен плех со хартија за печење, па со лажица извадете ја смесата и распоредете ја на поголеми кругови. Можат да бидат малку погусти, бидејќи по печењето ќе спласнат.

Печете ги тортиљите во загреана рерна на 200°C околу 15-20 минути, само додека рабовите не поруменат. За тоа време подгответе го филот.

Измијте ги и исечете ги на ленти зелената салата и спанаќот, пилешките гради исечкајте ги на коцки, а краставицата и пиперката&nbsp; на тенки прстени. На секоја тортилја ставете од филот, па преклопете ги на половина како такоси.

Валеријаната има малку јаткаст вкус кој потсетува на лешник. Она што се препорачува е да не се посолува, кисели или да се става премногу масло на листовите, туку да се остави природниот свеж вкус да дојде до израз

Овој здрав зеленчук, исто како и зелката, има малку масти и јаглехидрати, но содржи многу влакна, вода и витамини, а сето тоа води до заклучок дека карфиолот е многу хранлив зеленчук. Карфиолот содржи и многу фитохемикалии кои се корисни за нашето здравје.

Спанаќот е природен извор на витамини, минерали и растителни влакна. Богат е со фитонутриенти, особено бета-каротен и лутеин, кои го прават зеленчук со многу антиоксиданси кои ги штитат клетките на телото.

Тортиљи со карфиол и спанаќ: Здрав и нутритивно богат оброк